那年我買演唱會票
Added 2018-10-15 04:07:38 +0000 UTC消委會講述演唱會飛平台的問題，又令我想返起幾年前麥當娜嚟香港現開演唱會，我完全買唔到飛！火滾到震！但澳門就大把飛，而且我原本係個買飛平台想買嗰張$8000一張嘅前座位，就係因為驚俾人呃而且澳門唔俾黃絲入境已經成為慣例，最後決定唔買！過咗幾個月我同我一個20幾年嘅老友講返呢件事，佢仲有少少風涼咁同我講，做咩唔搵我呀？我有vip飛喎免費㗎！我呢個老友做咗10幾年華納高層！真係一時間唔記得！後來佢去咗做Facebook高層，我依家少少Facebook有咩問題就不斷搵佢，宜家唔理我啦！又係你叫我搵你嘅！！！
