wanhoisecret

輻射與你同在

Added 2018-12-04 03:32:43 +0000 UTC

早前有60箱共300公斤來自日本千葉縣的番薯非法進口本港，被食物安全中心封存，這批番薯沒有流出市面，中心抽取樣本進行輻射水平測試，結果並未顯示有輻射。中心發言人表示檢查一批日本進口食品時，發現這批番薯並無日本農林水產省簽發的輻射證明書及出口商證明書，違反相關《食物安全命令》。中心會繼續跟進事件和採取適當行動。但我覺得香港政府實在太虛偽，我又想講個故事比大家聽，話說311大地震日本核災難之後，香港政府聲稱禁止來自福島縣、枥木縣、群馬縣、茨城縣等等嘅日本食物進口香港，但後來就比我喺香港大型超市見到來自呢啲日本懷疑有輻射影響嘅縣食物在香港出售！於是乎我就致電香港食物當全中心問清問楚，佢哋就同我講：「陳生，你誤會左啦，我哋只係禁止嗰啲縣份嘅新鮮食物入境，若果喺嗰啲地方加工嘅任何食物都係可以入境香港㗎！」我心諗，點解我哋啲官員咁冇知識嘅呢！乜加工完，輻射就會冇咗嘅咩！之後食安中心就好強調佢哋會抽查來自日本嘅食物有冇輻射，咁我就問有冇曾經抽查到有輻射嘅日本食物呀？佢哋又好老實答我又話總共有七次，全部都係嚟自日本嘅茶葉！當中好多係嚟自靜岡縣！咁我就問，咁啲有輻射嘅茶葉後來係點處理嘅呢？佢哋又好坦白咁話俾我聽：「我哋唔識處理架！我哋交咗比環保署處理！」咁我有致電環保署問啦！你點處理㗎？環保署有好老實咁答我：「我哋都唔識處理架，因為冇相關專業人士，所以我哋將啲有輻射嘅茶葉全部丟晒落去將軍澳堆填區囉！」將軍澳啲市民真係幸福啦！輻射與你同在！阿門！