為錢！
Added 2019-02-09 05:23:06 +0000 UTC農曆新年梗係講下關於錢，話說我哋去京菜館食開年飯，就講起夥計偷錢嘅問題。原來舊時好多老闆會喺農曆新年前特登係放工嘅時候放低啲銀紙係地下，睇吓有冇夥計執咗唔話比老細聽，若果係嘅話就會炒魷魚！我有覺得少少係老細裝個夥計彈弓囉！不過依家就唔同晒啦話說我有個老友開餐廳，唔係Rosa果間！有日有個客跌咗個銀包，廚房個夥計竟然執咗個銀包攞咗裏便啲錢，個客報咗警警方翻睇閉路電視見到係個廚師偷錢咁就拘捕左佢啦，最頂癮係個廚師竟然要求老細幫佢請律師辯護，當然睬佢都有味啦！不過我個朋友都冇炒到佢，比着我我一定炒！咁京菜館老細就同我講一件真人真事，話說多年前一個客食完飯將一啲錢放咗喺個枱上邊找數，佢起身嘅時候件衫唔覺意掃左兩張落地下，個夥計經過執咗放落自己個袋，後來其他客話比老細聽你夥計偷錢，後來個夥計認左，但佢堅持只係自己執無偷，老細都決定炒左佢！點知個夥計勁啦，搵埋工會社工同佢一齊上勞工處告個老闆不合理解僱！咁京菜館老細就上去勞工處見到個社工講晒個實情，個社工都走埋！咁個夥計都知冇着數攞就走啦！而家呢個年代真係會惡人先告狀㗎！偷完你錢仲要告你無理解僱！勁啊！
Comments
朋友個間留家廚房？
2019-02-12 12:12:19 +0000 UTC赫德道嗰間？
2019-02-11 16:07:57 +0000 UTC呢個打扮好似博士！
2019-02-09 10:50:41 +0000 UTC呢幅相好似生意失敗咁， 我都係鍾意你gel頭個樣🤩🤩
2019-02-09 08:08:16 +0000 UTC呢D咪就所謂嘅「新香港人」囉！
2019-02-09 06:10:34 +0000 UTC宜家好多香港人好蠱惑，心腸又差，扮晒受害者，學晒以前大陸啲衰嘢，呢一兩年我遇過好多，將啲投訴機制（不論政府定商營）用到盡。
2019-02-09 05:35:56 +0000 UTC朋友果間名人飯堂，明啦！
2019-02-09 05:35:39 +0000 UTC跌咗個銀包個客係高官黎架？警察今次咁落力既… 我地d小市民跌咗個銀包報警分分鐘被勸算了吧咁
Chan Sun
2019-02-09 05:29:08 +0000 UTC
