食荔枝死亡事件陰謀論
Added 2019-06-22 07:58:32 +0000 UTC其實印度北部類似嘅「食荔枝中毒死亡事件」，係近年我覺得最迷離嘅社會性事件之一！若果冇記錯類似事情，係同一地區已經發生左第四年。先讓我來一個簡介，每年印度北部盛產荔枝嘅地區，都會出現大量聲稱食咗荔枝已暴斃嘅市民，當中大部份係細路哥！幾年前第一次出現呢件事嘅時候，我睇得好清楚當地政府同醫生嘅解釋係話，佢哋出現咗低血糖症狀致命！低血糖？明明食荔枝係甜份過高喎？！佢哋就話係因為啲市民瘋狂喺短時間裏面食荔枝，令到身體瘋狂地產生胰島素，一下子將體內糖分打到最低導致死亡！其實我真係理解唔到狂食甜嘅嘢最終會低糖而死？！我理解唔到！好啦今年又出現啦，但醫院就話係急性腦炎症狀死喎！而且都係好多死亡嘅兒童血糖有驟降嘅情況，而且醫生認為係中毒死亡！咁到底啲印度市民死亡係咪真係同荔枝有關？定係有其他嘢有毒？定還是有其他原因導致呢？簡直係近代之謎！
