找尋沙嶺公墓手足位置
Added 2020-04-25 05:34:34 +0000 UTC去沙嶺公墓當然是為了拜祭被政府殺害的手足們。雖然我不止一次聽過身邊黃絲朋友講，點樣證明嗰啲葬喺公墓嘅人係手足、或佢哋認為政府殺咗人甚至唔會用呢種比較官方形式去埋葬佢哋，求其埋喺地下算！但我偏向相信總有一些死於呢場運動嘅人政府想掩人耳目葬喺沙嶺公墓！而且就算唔係，呢兩年死咗咁多不明不白嘅人葬喺度，拜祭下佢哋都可以盡吓心啫！
之前都講到，見到福建墳場就係沙嶺公墓嘅入口通道，行一陣就會見到古老嘅公墓區，石碑到處散落！山丘上有個涼亭，再向前行就會見到清晰兩排公墓石碑，有小部份係2019年同少部份係2020年，呢部份嘅公墓我認為係有少少誤導外人，因為絕大部份呢兩年嘅不明不白死者唔係葬喺呢度！
再行過少少就係政府食環署設立嘅年度公墓碑！但好諷刺地2018、19、2020都冇設立碑！又唔知係咪政治因素！當再行入少少就見到當地村民嘅盂蘭勝會空地，再行出啲就係一個大型嘅政府地盤，一般人就以為沙嶺公墓就完結左㗎啦！但其實真正手足公墓嘅位置，係要過咗個地盤，左邊小到進入，以往地下有個有心人寫低嘅大字教人地去，依家大字都俾人洗埋！唉！呢個仆街政府！
