消防故事
Added 2020-03-02 00:15:06 +0000 UTC話說早前認識幾個資深消防員，佢哋私底下同我講咗而家政府對消防員嘅疫症安排！其中有消防透露，依家唔同嘅局，得到嘅防疫裝備完全唔同！好似其中有些局，成間局連一樽酒精搓手液都冇，好啲嘅局長，就會向其他局借啲物資返嚟用，但有個局真係乜消毒搓手液都冇，但消防下屬為咗自救，就無奈地用漂白水稀釋噴落自己雙手度消毒！我話好傷皮膚個喎！個消防話冇計啦！當然有好多個局口罩都唔夠，防禦裝備好更加好唔足夠，但已經政府安排緊唔同嘅局嘅消防員輪流要去鯉魚門火神山隔離營幫手，而佢哋係冇相關訓練㗎！真係頂你個肺！政府依家推啲消防員去死！我原本想話幫佢哋出下新聞稿講呢件事！相關消防員就擔心俾人秋後算帳，我唯有喺patreon 講兩句啦！
