黃色經濟圈之黃色髮型屋
Added 2020-04-20 06:30:26 +0000 UTC之前都講到依家真係要認真落實盡量幫襯黃色經濟圈，咁今日又係新嘗試:髮型屋！話說我以前幫襯嗰啲髮型屋都好耐冇幫襯，今年都係去返老竇用開嘅舊式上海髮型舖，問題就嚟啦！一來佢哋冚世界都係藍絲、二來嗰啲髮型師喺新年期間一定全部都返大陸過年，我唔會冒呢個疫症嘅風險囉！咁後來有老友同我講搵到一間係尖沙咀厚福街樓上嘅髮型舖，而且係好實在嘅黃店，老闆娘以前係另一間髮型屋做，因為全部人都係藍，佢頂唔順決定自己出嚟做個體戶，當然生意唔係容易做啦！咁今日去到現場剪頭髮，我同老闆娘講我搵黃髮型屋都搵得好辛苦！咁佢講笑咁講：「我哋直情係金啦！」同埋見到疑似有請手足幫手做助手，呢啲就唔問啦！若果大家有興趣支持黃色經濟圈嘅髮型屋，私信我問地址，費事又比人Cap圖丟俾藍group去搞人！
