一頂綠帽影響到中東未來
Added 2020-08-14 02:57:15 +0000 UTC今朝一起身，係我眼中最大嘅國際新聞就係，喺美國拉攏之下，以色列竟然會同阿聯酋進行全面關係！ ！ ！簡直而家世界變到快到一日真係嫌長！
當然成件事嘅速成，一來係關於黎巴嫩大爆炸，全球藉此去玩地緣政治，第二又係關香港事㗎！
首先你要明白，以色列建國幾十年來，阿聯酋從來都唔承認佢存在，甚至有少少敵對局面，而黎巴嫩同阿聯酋之間因為宗派關係都唔係好來往！呢次竟然可以呢個咁大型嘅大和解，簡直匪夷所思！
我一起身見到呢單新聞，之後就係我嘅電郵地址收到阿聯酋航空公司嘅信件，因為我係會員，佢哋就邀請我可以將飛行里數或者現金捐俾黎巴嫩幫助佢哋重建同埋運輸食物等等！步伐快到呢！
事件嘅發生之後，發晒老皮唔like係巴勒斯坦，因為阿聯酋承認咗以色列嘅話就等同承認以色列侵佔巴勒斯坦土地，但係你哋唔好唔記得，香港國安法設立之後，大陸就要求到巴勒斯坦全面表態支持大陸喺香港立國安法！我真係屌你老母，巴勒斯坦你自己連建國都未建到，就支持中國喺香港立國安法？！依家美國因為你呢樣野，出招比着數阿聯酋再比着數以色列，仲聯繫埋佢哋兩個建立全面關係！
其實我有生之年都諗唔到，撇除黎巴嫩爆炸，諗唔到香港一場社會運動，最終係會影響到中東局勢同未來！蝴蝶效應真係太犀利！
Comments
咁樣我信黎巴嫩係邊個炸啦.........白頭佬呀
2020-08-14 04:37:27 +0000 UTC亦都有因素，亞拉伯半島大多都唔妥前身係波斯嘅伊朗
2020-08-14 04:20:58 +0000 UTC可能阿聯酋憎恨伊朗多過以色列！搞掂伊朗先再計數🤔
2020-08-14 04:09:39 +0000 UTC巴勒斯坦好細，仲細過台灣，侵侵唔會多點理，應該係美國國務院負責中東事務嘅部門發現到中共嘅行經，而作出嘅反制 （注：美國無外交部，外交事務由國務院負責）
2020-08-14 03:53:23 +0000 UTC係呢個時世做真香港人真係不枉此生
Brian
2020-08-14 03:50:27 +0000 UTC
