一隻「強姦」我的肥貓！！！
Added 2020-08-24 02:09:22 +0000 UTC早幾日處理手機內的舊照片，見返尼套相都笑死！發生咩事呢？
話說2018年，同三個朋友去山東青島玩幾日，事前唔知佢地大陸搞國際會議，全面封城，但我哋已訂曬機票酒店，照去吧！
由於市內絕大部份餐廳食肆都冇開門，咁其中一日喺市中心行嚟行去都搵唔到地方食午餐，唔覺意喺後街見到一個花園裏面有間貓Cafe有開，就唔理咁多入去食嘢！
一坐低冇耐，我飲緊水，一隻唔知係咪店主嘅大肥貓，跳咗上張枱，慢慢行過嚟我度，兩隻小腿一嘢按着我胸前，逼我埋牆，之後用個小嘴黐住我塊面，之後舔我個鼻！走都走唔到！但做乜姐你！冇嘢餵你喎！之後佢就走咗冇再理我啦！
若果信緣份信因果輪迴嘅話，到底上一世我同你隻貓嘅上一世係乜嘢關係呢？剎那情緣？主僕關係？你哋話呢！（但隻貓冇理過我三個朋友囉！）
