辰衝的黃昏！
Added 2020-07-28 11:41:56 +0000 UTC辰衝書店樂道店月底結業，實在實在令我惋惜！要知道辰衝是我童年回憶，尤其是尖沙咀人，晨衝本身是地標！
我細個嗰陣去得最多果間辰衝係海運大廈果間，啲書滿到經常去尋寶！諗返都有感覺。後來去得最多當然係樂道店，我經常踏上其木樓梯去二樓買書！二樓係所有UFO書、NEW AGE書及宗教書的集中地！
今日下午也要趁機去一去，本來想上二樓，原來已封了，我向職員說：「你哋結束好可惜！」她回我：「因為你哋太遲珍惜！」我馬上反駁：「我真係自細喺度買書㗎！....其實我一路以為個舖位係你地㗎！」她沒有否認：「之後會大裝修！」她不承認也不否認會再重開！
我在內行了一小時，買了兩本書！又滿足了！
