失了個大客！
Added 2020-07-29 02:25:23 +0000 UTC啱啱patreon 通知我有個客戶delete咗Account！咁我一睇個名叫Carmen！嘩！心裏面即刻驚一驚！會唔會係我今朝喺Facebook同埋IG取笑個位資深老前輩潘麗瓊婆婆呢？！如果係就慘啦少咗個大客！
講起潘麗瓊我真係識咗佢接近25年！當年佢都叫做正正常常嘅傳媒人，識佢嗰陣時佢喺明報副刊做緊老總，我當時就係明報嘅自由身記者幫佢寫訪問稿等等，你諗吓幾恐怖，佢喺明報做咗好多年係高層，之後而家突然間話唔知道明報有個傳媒人叫做施嘉雯！無恥到一個點！仲要佢老公施先生都係明報度做高層㗎！
最初幾年認識佢都冇乜點，後來博益出版寫執笠，係佢主動搵我過檔天地出版社，當時佢自稱係天地出版社嘅高層，後來一年後佢就冇做到，天地出版社嘅老細先同我解釋清楚，當年同潘麗瓊小姐嘅只不過係一個互助合作關係，佢從來都唔係天地出版社嘅高層，而係嗰一年嘅期間，佢就經常約一啲大集團食飯但係搵我過橋，例如佢約迪士尼同我去傾萬聖節合作，其實目的係想迪士尼同佢合作出書等等，而最終買單請食飯嘅竟然係迪士尼而唔係佢！呢啲小動作後來我覺得呢個人真係實在太古怪！
咁當然同佢正式決裂就係2014年佔中時期，嘩親政府藍到！咁佔中其間我拒絕出席佢嘅自己搞嘅小型書展講座，咁佢就視我為敵人啦！歡迎之至！
大家後來見到佢瘋狂追捧梁振英上台，之後到呢場運動藍到噴汁！就慶幸一早成為左佢嘅敵人！
今次仲可以搞單冒人名寫稿之後，仲理直氣壯大大聲話俾人聽自己幾啱，呢個資深傳媒巫婆唔知有冇天收！
若果真係delete Account嘅係潘麗瓊，好行夾唔送啦！
Comments
叫佢唔好誤會，澄清番當無數囉 😂🤣
Parramatta Pangbourne
2020-07-29 14:04:00 +0000 UTC咁小家嘅客，佢有冇買過你一本書我都好懷疑囉
2020-07-29 13:23:39 +0000 UTC雖然佢係small potato, 但佢都要係受制裁之一, 移民返大灣區啦!
2020-07-29 06:26:34 +0000 UTC咁你下次寫文都用佢個名都得😏
EC
2020-07-29 05:19:33 +0000 UTC
