我在5年前的查冊
Added 2020-11-05 02:09:12 +0000 UTC而家記者原來為新聞查冊運輸署資料係犯罪，香港真係荒謬冇㡳線！😡而Facebook 提醒我在五年前我曾經親自入到特首辦，其實當時就係為查冊！
話說當時我要查閲特首梁振英某一啲嘅文件，特首辦職員用咗幾個月去阻止我，於是乎我就直接再搵咗公開資料專員索取文件，相關專員好串咁同我講你直接入特首辦填寫文件申請囉！我話好呀即刻嚟！我就即刻去咗特首辦入咗去裏便填寫要查察嘅資料同理由，如果冇記錯我差唔多要寫2000字解釋我點解要呢份文件！
有個小插曲，就係當我填寫索取資料文件同時，我竟然見到葉國謙喺特首辦出現，係一早喺裏面工作嘅情況，有趣嘅係葉國謙見到我有啲少少詫異，之後向我笑一笑點左個頭，可能佢會覺得好奇怪點解雲海會係特首辦嘅呢？！
當然我要查冊特首辦嘅文件，最終我等咗兩個月，公開資料專員通知：我唔俾你睇喎！所以個政府一向都係咁賤格㗎！冇耐！
