我竟然係速龍小隊成員？！
Added 2020-11-18 05:49:15 +0000 UTC今朝起咗身再瞓返之後就發咗個怪夢，話說我夢見自己身處美國某一個地方，明顯唔係大城市！我同班相識嘅後生仔好似喺度生活咗好耐，應該都係香港人！時間應該係萬聖節嘅日頭，我帶住幾個後生仔去食麥當勞，突然間有唔同嘅人向店內嘅顧客射毒箭！大家慌忙逃走嘅時候先發現成間麥當勞被神秘武裝人員包圍！期間有人借出一套類似速龍嘅制服俾我着上，假扮佢哋成員，之後俾咗個通訊電話我，令我可以躲藏起來打電話俾某間獨立媒體報道呢件事，但講講吓就聽唔到對方聲音啦！期間有武裝分子過嚟同我打招呼，我就扮晒係佢哋嘅人！後來唔知點樣大家突圍而出，我連同幾個後生仔就去到一個好陳舊嘅舊居參觀，佢哋話係某一個人權鬥士嘅故居！之後我仲係好嬲之前單嘢，明顯麥當勞係夾埋啲武裝分子對付無辜平民，於是乎我話想返去麥當勞燒咗佢！都未燒就醒咗啦！😂
都唔知乜鬼夢！可能近排理大圍城中大圍城新聞太多有所聯想！但自己扮速龍小隊，就真係嚇親自己！
Comments
留名等睇有人話你係假黃
EC
2020-11-18 13:16:06 +0000 UTC
