半夜求救
Added 2021-06-09 03:00:13 +0000 UTC其實我都話呢個年代，做好人先至係最難！話說尋晚半夜三間我老友搵我求救，問有冇律師介紹同埋有冇持牌獸醫可以轉介！
咁究竟發生乜事呢，話說兩年前，佢朋友嘅朋友因為要被判進入戒毒所，希望我老友幫手照顧嗰位人士冇人照顧嘅細狗仔！咁我老友同佢女朋友二話不說就應承咗，點知一接隻狗返屋企一體，簡直慘不忍睹，個頭又爛晒，條尾又爛晒，明顯根本冇照顧隻狗之餘仲要長期被忽略嘅狀態，於是乎佢哋就決定幫佢睇醫生決定長期照顧隻狗之後隻狗又好返晒，隻狗都好有靈性好痴住佢哋！
由於嗰位人士其實都係嚴重吸毒者，經常要出入戒毒所，所以我老友兩個就諗住都係自己照顧埋隻狗下半世算啦！
但估都估唔到尋晚半夜三更我認為嘅痴線吸毒者竟然衝咗係我老友屋企，表示要返隻狗，咁我老友同佢女朋友梗係唔俾啦！點知嗰條友竟然報警話有人搶佢隻狗，所以我老友想透過獸醫證實之前根本呢句唔係主人應有嘅責任，但半夜搞到好麻煩，明顯班死差佬亦都唔會係好想理，最終無奈之下隻狗要歸還主人（所謂主人）我老友覺得好悲憤亦好無奈！點解香港咁多呢啲人養狗係虐待啲狗嘅！呢件事我都幫唔到手！
Comments
岩岩睇到youtuber 李喜貓之前送養貓仔俾個男人, 咁李都有keep 住了解貓仔狀況, 知道佢俾了好cheap 的貓飼料佢食, 咁佢都sponser 貓飼料俾個男人. 咁男人忽然唔update 狀況, 又唔接電話, 之後又話隻貓傷左, 轉到又話唔見左, 叫男人立即帶貓睇醫生又話無錢....總之佢去接返隻貓真係xyxzljkjkj#221!!! 隻貓好瘦, 有3處好大好深的傷口, 仲長滿了蛆!!!!!!!!根本D傷無可能係打交或者意外, 而且屁股位係爛曬, 似乎係將貓困係好細的籠, 又唔幫清潔大小便. 到獸醫處清創是痛到打完止痛針仲要補針. 好彩佢地接返得切隻貓, 隻貓都好大命執返條命仔.
2021-06-13 01:42:31 +0000 UTC嘛，冇計的原因係好佬怕爛佬，吸毒條友個底花晒， 你同佢爭隻狗，佢攪你女朋友又或是家人，你得兩隻手，你保得邊個？ 好人好姐都唔會大半夜打擾「朋友」，佢hi大左，驚方又關仁， 狗仔係好慘，但係好佬如果同爛佬拖下地打，都唔係路。唯有俾隻狗走先……哭
2021-06-10 02:34:00 +0000 UTCHi 大左真係溝通唔到
2021-06-09 10:46:17 +0000 UTC吸毒友 最終都係無錢，有機會攞狗去賣。 朋友唔好出面話用錢買狗，吸毒友一定獅子開大口。搵其他人幫佢
2021-06-09 08:06:31 +0000 UTC如果吸毒條友，無同隻狗登記晶片話係佢主人，係可以吾比返佢。
2021-06-09 07:35:01 +0000 UTC我曾經預想過呢啲情況，我諗到嘅處理手法，就係事前要影低晒隻狗有幾傷，同事後有幾好，最好問定律師朋友，如果前主人硬係要返隻狗可以點應付，如果乜都唔得，最後就係要諗賣最後一招，要隻狗自行出走「失蹤」！唔知隻狗去咗邊度，咁大家都無法㗎⋯
2021-06-09 06:07:56 +0000 UTC要當文事案打，要求比番曬所有照顧同醫療費用，可以迫對方放棄
2021-06-09 06:03:39 +0000 UTC諗落隻狗都幾似香港
Hagrid
2021-06-09 05:47:28 +0000 UTC
