【國際關係深度評 🇺🇸🇹🇼】 如果美國-烏克蘭礦產框架協議出現在台灣
Added 2025-03-06 02:01:01 +0000 UTC美國和烏克蘭的礦產框架協議曝光後，不少台灣朋友都在討論一個假設性問題：如果特朗普以同一方式處理台灣的安全問題，究竟是好事、還是壞事？
根據協議，美國和烏克蘭共同持有和管理一個基金（美國應該是絕對大股），基金包括烏克蘭全國50%未開發的天然資源，而基金賺到的錢，有相當部份會用來投資烏克蘭的戰後重建；同時由於烏克蘭資源成了美國的國家資產，美國就有了保護自己國有資產的使命（起碼官方論述是這樣，簽約後續如何是另一回事，不在本文討論之列）。
放了在台灣，可以是美國和台灣政府共同持有和管理一個基金，美國也是絕對大股，基金包括台灣最有價值的產品的50%股權，自然就是所有涉及半導體的生產。台積電剛增加投資美國一千億元，去避免直接被增加關稅，其實也可以算是這個概念的一部份。就算美國真的要增加台灣半導體公司100%關稅，換成了共同管理基金的概念，也可能是更好的包裝。
有了共同持有基金，賺到的錢部份就應該用來購買台灣軍備、訓練台灣軍隊，最好還可以用來支付美軍在台灣海峽巡邏的「保護費」。但由於台積電在加強投資美國以外，同時還有相當部份在台灣本土，理論上，如果中共出兵台灣，就會名正言順破壞美國的珍貴國家資源，美軍介入的誘因就會高得多。
日前一位美國軍方出身的學者 Guermantes Lailari 更進一步，除了建議美國在增加台灣關稅後用來增加台灣軍備，還提出了一個對台灣內鬥一勞永逸的解決方法：從此台灣的錢在美國手，增加甚麼軍備的預算，就不用再理會目前藍白在野黨主導的立法院，可以由美國自行知會台灣政府就可以決定，一切都會順暢得多。
Lailari 甚至建議美國可以考慮和台灣恢復簽訂《共同防衛協定》，或簽訂《自由聯繫協定》（Compact of Free Association, CoFA)，讓台灣成為類似密克羅尼西亞聯邦之於美國的存在，甚至成為美國第51州。這些自然和實際情況距離太遠，特朗普似乎不願意明確給予任何共同防衛的承諾，否則就不用在烏克蘭另闢蹊徑。
如果比照「烏克蘭模式」，美國保障台灣安全的憑藉，除了用台灣人的錢、美國人的管理大舉增加軍備，以提升deterrence 作用之外，就是期望台灣境內的半導體成為美國資產之後，美國會真的坐言起行，去「捍衛本國資源」。
結局如何？會否奏效？歷史沒有 what if，只有危機出現時才知道。
Comments
呢種共同擁有協議，同佢想專心搞美洲，撤出其他地方完全背道而馳喎
James Green
2025-03-07 21:14:28 +0000 UTC如果從一個避免核戰嘅角度去睇，美國喺烏克蘭嘅做法其實好合理。美國落場的話俄羅斯當然唔係對手，但係要避免核戰，最重要係唔好逼到人哋山窮水盡，繼而「發爛渣」。所以當初Elon disable Starlink 因為會變咗 act of aggression, 做法好合理。戰爭如果持續，俄羅斯消耗得七七八八，國內經濟下滑，打唔贏「發爛渣」嘅機會亦會增加，盡早停戰亦好理解。所以從美國角度最希望見到應該係俄羅斯贏少少，普京有啲面子，叫佢收手。可見特朗普白宮會見澤連斯基，白宮新聞比足面普京，避免佢因為國內民情壓力下提供誘因「發爛渣」。最後如果美國給予烏克蘭安全保證，萬一普京「發爛渣」用tactical nuclear weapon, 美國要回應就好難避免要還擊俄羅斯領土，製造美俄核戰導火線。客觀結果會顯得美國處處退讓，而俄羅斯就步步進逼。美國要退，因為作為宇宙最強，又有海洋做屏障，and has more to lose，佢最冇動機「發爛渣」。以上只係一個從避免核戰嘅角度思考，而實際執行結果非常差。如果以上推論成立，可以喺台海問題上提供一個以避免核戰為出發點嘅角度去思考美國立場。核戰係 last resort ，機會雖然唔高，但只需要發生一次就全世界都 game over，所以戰略考慮應該要放喺第一位。再講，未來30年出現核戰機會係咪真係咁低？
lyk
2025-03-07 06:50:20 +0000 UTC美國佬暫時都係希望不變, 而佢地認為不變既做法係不停升級台灣自我防衛, 去對衝老解既提昇。啊主席一日未有統治危機, 台灣都係安全既。
Good Year
2025-03-07 01:43:36 +0000 UTCRepublic of Texas? Republic of China ? 個名咁似嘅
Charles Kong
2025-03-06 16:06:11 +0000 UTC建議台灣爬加拿大頭成為美國第51個州
KTH
2025-03-06 05:56:27 +0000 UTC可以一博，係唔肯定呢啲協議要唔要立法院批
GBK
2025-03-06 05:05:28 +0000 UTC鄰居係黑社會就遲早出事，到時其他正常鄰居stand with you，原本最有能力保護你嘅鄰居同你講you don‘t have a card同埋問你有冇say thank you你就欲哭無淚
Daniel
2025-03-06 04:29:40 +0000 UTC信唔過
Geog
2025-03-06 04:10:41 +0000 UTC增加兩國核戰機會，唔符合美國國家安全利益，美國要做嘅嘢應該係調返轉。都係嗰句，秤吓烏克蘭天然資源真係值幾多錢，風險咁高補貼都未必有人肯做，何況停咗補貼點算？如果係講 rare earth, 美國一年入口稀土5億都唔夠。係咪其他地方用錢都解決唔到，一定要烏克蘭？美國搵個最危險嘅地方，去解決一個唔難解決 (其他地方錢解決到) 嘅國家安全問題，係咪有啲一廂情願？Elon舊年十一月底叫SpaceX 供應商離開台灣，係咪夾佢哋搬返去？烏克蘭講緊嘅係 post war 方案，台海唔係。有互信都難，缺乏互信就更加唔使諗。
lyk
2025-03-06 04:04:07 +0000 UTC不如語幾時會侵侵數落小羅斯福同杜魯門點解當年要將台灣島交畀其中一個戰勝國。咁就唔會有今日問題
Derek So
2025-03-06 02:22:07 +0000 UTC其實以特朗普咁樣玩法既美國獨大，台灣疑美論覺得TSM去美國設廠會被偷技術然後被放棄真係唔係無市場...
Ho Man Mak
2025-03-06 02:14:09 +0000 UTC
