阿豬搵錢日記

港股 Stage 2 set-up

Added 2025-01-17 00:52:41 +0000 UTC

今個禮拜星期一跌穿晒啲牛熊證重貨區，之後就開始反彈，星期一低位到星期四高位都反彈左接近一千點。過去幾年農曆新年前後都係一個轉折點，即管睇吓今年係咪同上年差唔多，今年新年前見底。

今個星期頭啲flows見返啲長錢買返啲騰訊(700)，攜程(9961)，比亞迪(1211)，同時對沖基金就喺禮拜頭開始平淡倉。之後到星期四，又見到啲人出嚟買香港收租股，領展(823)，九倉置業(1997) ，長江基建(1038)。

大陸就繼續出力頂住人仔，都係想守住7.37個低位，似乎連慢慢貶值都唔係好想。

Chart: USDCNH fx rate (inverted scale)

另外，減存款準備金嘅講法就越嚟越多，幾大機會喺新年前會減一下，不過對大市嘅幫助應該係接近係冇嘅。而美國嗰邊有傳出特朗普團隊諗住慢慢又或者每個月咁加關稅去增加談判籌碼，都令到市場氣氛有所好轉。加上上海就傾緊Taylor Swift去開演唱會，如果成事嘅話真係會帶動消費，美團(3690) ，華住(1179) ，甚至航空股都會受益。

而內銀方面最近都好唔錯，招商同埋中信兩隻出嘅全年業績都唔錯，加上平安喺度不停咁掃貨。不過汽車股就差啲，因為長城(2333)嘅業績好一般。

個股就有網易(9999)唔錯，因為佢Marvel Rival表現非常亮眼。信達生物(1801)星期四大插，有全安徽省會大頭做帶量採購，有機會包括埋佢嘅藥。藥明(2269)同百濟神州(6160) 都不約而同話2025年嘅增長會比2024年快。另外，市場已經開始擔心萬科(2202)爆煲，佢今年五月份到期嘅美元債呢幾日日日急跌，跌到60c for a dollar，今年佢有接近50億美元人民幣和美元債券到期，如果冇政府幫忙，佢真係好難拆掂。

Watchlist Review

而家watchlist手上嘅港股剩返一隻 6088

Watchlist

而留意緊嘅就有幾隻，可以攞嚟試吓水溫。但係唔會一次過買晒因為港股嘅前景仲uncertain。我盡量搵啲已經跌+還行咗一兩年，然後終於開始升上嚟進入stage two嘅股票。呢啲如果港股真係見底嘅話（真係大市配合），就有可能跑出

1658: 內銀板塊比較強。呢隻落後而家有 "cheat" set up

6869: August 2022 - Feb 2024 係 stage 4。March 2024 - Sept 2024 stage 1，然後而家就stage 2。咁係依個階段就等出現回報對風險比例有利嘅set up嚟做交易。如果大市配合嘅話，依個階段嘅突破回報可以好好

710同以上6869嘅走勢相似

1070上年已經進入咗stage two。升咗幾個月之後由六月至到而家都係橫行形成cup and handle set up。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。