阿豬搵錢日記

中國關稅 - Jan 23, 2025

Added 2025-01-23 15:12:17 +0000 UTC

個市今個星期繼續50同100天線樓附近整固。消息方面主要都係Donald Trump嘅關稅，尤其係對大陸，冇之前預期加得咁多同快。反而首先對墨西哥/加拿大徵收25%關稅。雖然之後就話對中國徵收10%關稅，講真佢都係比媒體問到先講，不過大市都係就開始掉頭，加上之前連升6日超過1,500點。A股開埋下星期一，之後就2月5號先復市。而港股就開埋28號半日市，2月3號就重開。

講返關稅，Donald Trump話對中國加徵10%關稅，話係因為中國繼續向加拿大同墨西哥出口芬太尼，但係仲要更多時間去評估中美第一階段貿易協議執行情況，加上嚟緊Trump都想訪問中國，加上想買50%美國TikTok呢單嘢 (article)，似乎中美關係暫時又唔係太差。同埋佢而家注意力似乎都係巴拿馬運河同格陵蘭。

星期三收市後，中國話會出台措施去引導大型基金同國有保險公司增加A股投資。夜期抽一下，穿一穿20,000，但係都唔係太有力。到星期四發布會，就提出未來三年公募基金持有A股流通市值每年至少增加10%。仲有就係引導大型國有保險公司增加A股投資規模和實際比例，其中從2025年起每年新增保費的30%用於投資A股，當中新年前保險資金長期股票投資中將先批500億元投入股市，跟住2025年第二批保險資金長期股票投資試點規模將不低於1,000億元。總括嚟講，都係對國企/高息現金流強嘅股票有利，呢啲國企保險都會買呢啲股票。

但係星期四繼續有沽壓，港股同A股都係先高後底，大家都係新年前趁好消息沽貨，擺翻啲錢過年，加上有點擔心公募基金要未來三持有A股流通市值每年至少增加10%，要去沽H買A。市場都係等農曆新年嘅消費數據，同埋過去幾年農曆新年都係一個轉捩點。

Watchlist

上星期Watch嘅股票全部突破晒。有一隻(6869)仲已經去到我目標。好快咁就食咗糊。

其餘嗰幾隻而家股價同突破位差唔多。冇乜特別嘢講。計劃都係跟返平時一樣，當佢升得夠多（例如去到目標嘅一半，或者一個新嘅base出現) 就會只蝕調高理保護資本。

嚟緊港股會放四日假，手上已經有好幾隻港股，同埋美股暫時好啲炒啲。所以跟住嗰幾日冇打算再加多啲 position。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。