升返到10月高位

星期四恆指上返上三次嘅高位（現時阻力）之後即時拉回，出咗支大針，成交仲要去到3800億。恆指由1月14號18903 升到星期四高位22,523，啱啱就19%，差少少就入技術性牛市。

不過科指就已經破咗2024 年10 月高位，由一月低位升咗32%，RSI 到去到差唔多80。

晏晝個轉捩點，都係阿里巴巴聯合創始人、董事局主席蔡崇信確認阿里與蘋果合作，蘋果公司的中國iPhone將採用阿里巴巴的人工智能技術，全世界就趁呢個消息出貨獲利。加上晏晝A股原本係威係勢，點知最後又係全日最低位收市，北水亦都由最高正流入50億，去到收市正流出10億，加上都聽到條街下畫都有幾多ETF嘅贖回，令到跌勢加劇。

星期三開始開始見到啲錢留返入嚟中港市場，尤其是買啲權重股，始終外資揸唔夠貨。香港嘅就主要係AIA 1299 同埋科技股，尤其是啲高beta，例如快手1024,B站9626,美團3690，A股就買返啲消費類嘅例如茅台600519。

星期三下晝，有傳政府準備500億去接濟萬科2202，內房夾咗一段，第二日都要回返。市場似乎覺得500億都係杯水車薪（加多個零就差唔多？），而深圳市場傳出“住房公積金新政”即將落地的消息都冇好大作用。

呢轉炒DeepSeek真係炒到㷫烚烚，尤其是阿里系，阿里巴巴阿里健康阿里影業。不過都係睇好其他，尤其是雲計算嘅板塊，例如萬國9698金碟268金山3888等等，始終短期升得太多，回調更健康。不過見到百度9888雖然喺蘋果嗰邊輸咗比阿里巴巴，但係話今年下半年將發佈新一代AI大模型文心5.0加上有自動駕駛概念，預計RoboTaxi最早可能在上半年在迪拜開始測試。

另外就係京東準備進軍外賣業務，同美團隻揪，京東外賣正式啟動「品質堂食餐飲商家」招募，2025 年5 月1 日前入駐的商家全年免佣金。但係市場似乎覺得對美團冕挑戰短期係相對有限，反而更擔心京東嗆margin，始終你搶佔市場份額係要燒錢。都見到long money錢沽緊返啲京東，同時有對沖基金沽空美團。

比亞迪1211開咗個天神之眼發佈會，搞到其他車股腳軟，始終比亞迪有龐大嘅用戶數據。上年都買咗4百萬架車，仲話今年目標係6百萬㗎。

早兩日啲大行仲喺度唱好啲AI概念股。

基金flow方面之前啲人睇中國股太悲觀，而家要catch up

 Watchlist Review

今個星期加咗隻做robotics 嘅2498 

 2269 一到升就一到將stop level提高。而家個交易變到差唔多risk free。

 其餘幾隻冇乜特別發展

Watchlist

3323 睇嚟主要買盤來自公司嘅share buyback。用$4.03購買返公司嘅股票。依種corporate action唔係我搵緊嘅機構投資者儲貨。我會將呢隻股票由watchlist remove。

跟住加咗三隻股票入watchlist，但係留意返依三隻都係落後嘅 (not leader)。即係佢哋嘅同行已經有股票突破咗還可能已經升咗唔少。呢啲Tier 2嘅set up冇第一浪嘅咁好（因為而家多咗人留意港股，搵嘢炒）。咁如果我手上已經揸住好多港股position，我就唔會再加落去。如果有啲突破完已經take profitt啦，有返啲空間咁就可以玩吓。

9863 (car maker) - 同行嘅 1211 + 9868 已經突破

1415 (electronic component) - 同行嘅 2382, 285 + 2018已經突破

 2359 (healthcare) - 同行嘅 2269 已經突破

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。