恒指23000點

港股繼續喺呢個重要阻力頂下頂下。喺呢個情況唔動一陣，或者pullback係非常之正常。

星期一，習近平時隔6年再舉行民營企業座談會，尤其是馬雲嘅出席，令到市場預期科技行業整頓終於告一段落，不過冇乜太多嘅實質勝利好，主要都好似做show咁，話俾全世界知。

京東9618 就話自2025年3月1日起，逐步為京東外賣全職騎手繳納五險一金，為兼職騎手提供意外險和健康醫療險，成為首個為外賣騎手繳納五險一金的平台。而美團3690 即刻就話將為全職及穩定兼職騎手繳納社保。初步了解幾間大行報告，睇到對短期（未來2年）嘅利潤影響有限，可能係中單位數嘅負面影響，而長遠嚟睇，由推行到實行呢個政策會以年計，而末來美團可能可以透過營運槓桿去對沖利潤嘅負面影響。

星期四就阿里巴巴9988出業績，大市都趁機會獲利回吐，尤其是啲AI方面嘅板塊。不過，朝早有新聞話特朗普表示與中國達成新的貿易協議是「可能的」，令到個大市反彈200點，可惜下晝因為北水嘅拋售壓力，令到個市落返去。北水由朝早正流入接近40億去到全日收市正流出60億，來回差唔多接近100億嘅正留咗喺下晝發生。不過同時見到A股下晝係有些少力，似乎啲北水買返啲A股。

呢幾日嘅業績：百度9888就麻麻哋啦，佢哋嘅搜索業務前景唔得，加上個個用DeepSeek，仲有邊個會用百度search，唯一係雲服務嗰邊叫做做得比較好。網易9999遊戲收入就比預期差些少，B站 9626 就唔錯交到數。阿里9988 條數出嚟比預期好，咁樣個市就有希望破上年10月個高位。

最新摩根士丹利就將中港股票升到去平配。不過睇嚟都係覺得港股比A股好，似乎主要都係受惠今次DeepSeek嘅浪潮，但係宏觀經濟仲係唔得。

呢幾日啲flows，開始見到長錢食糊，沽返啲阿里巴巴同埋啲雲板塊。早兩日開始啲對沖基金沽空返啲消費類股票，仲有沽空快手1024美團3690百度9888，買騰訊700。

Watchlist Review

今個星期總共realized 3.6R 嘅利潤。剩餘嘅倉位有啲已經變成risk free。所以持有嘅風險係3R。

有兩隻watchlist嘅股票我提早離場，因為佢哋冇乜動力。包括710同埋1070。

1658同埋2498因為突破之後已經升咗唔少。去到我嘅目標超過一半，所以呢個情況我會將個stop level至少移到breakeven。將個交易變成risk free。

有兩隻2269 (+1.6R) 同9660 (+2R)去到我目標，take咗啲profit。跟住因為佢哋上邊都冇阻力同埋個市而家咁強就留返啲放紙鷂。(9960喺2月14號Discord #charts-and-news上分享)

其餘嗰兩隻(1415, 2359) 就新買入。佢哋比起同行走勢落後。唔係最佳嘅選擇。不過如果miss咗第一浪嘅話就唯有追第二浪。

 2269 Wuxi Biologics領先2359 Wuxi Apptec同2268 Wuxi XDC

 Watchlist

Watchlist加咗三隻股票。有兩隻6869同6618已經突破咗，而家我會等佢拉回去到一啲支持位先考慮入場

6869 我會留意近幾日嘅低位同埋20天線。然後如果再跌多啲嘅話就會指蝕。呢個交易set up嘅回報對風險比率高，但係相對地容易啲trigger stop loss

6618去到cup and handle嘅handle位。嚟緊有機會consolidate一陣，咁我就會留意住可唔可以趁佢pullback時，例如接近10天線是吸貨。而如果佢嘅上升走勢改變，例如跌穿近日低位或者20天線咁就會cut loss離場

175有flag set up值得留意

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。