港股 round 2

港股調整到10月高位+20天線就反彈。星期四再創今年新高。

雖然先係有美國加中國加拿大墨西哥關稅同埋中國嘅反制措施，加上星期一比亞迪(1211)嘅400億配股，而影響市場氣氛，但係港股始終強勢，好快就調返轉頭行。

兩會出嘅經濟目標大致符合市場。不過今年就將刺激消費擺上去首要嘅重點，用嚟對應美國嘅關稅。

• 中國2025年GDP增速預期目標為5%左右

• 中國2025年居民消費價格漲幅預期2%左右

• 中國2025年財政預算赤字率4%左右

• 中國2025年城鎮新增就業預期目標1200萬人以上

• 中國2025年擬安排地方政府專項債券4.4萬億元

• 中國2025年擬發行超長期特別國債1.3萬億元人民幣

加上指數由上個星期恆指由24,000點，一下插到去22,700 (-7%)，都叫做喺兩會之前出現咗獲利回吐，所以今個禮拜有條件令到大市喺兩會之後夾上去。再加上美股嘅跌浪可能啱啱開始同埋關稅政策令到美股有好多隱憂，加上似乎特朗普團隊想利用一個經濟衰退去重塑美國嘅財政情況。而另一邊中港股票估值低廉，又有政策嘅支持，所以對比一下中港股票經過過去四年比環球資金嘅低配，終於藉着DeepSeek同埋特朗普嘅關稅政策而出現扭轉。

今個禮拜嘅AI概念又再度爆發，先係有阿里巴巴(9988)發佈並開源全新的推理模型通義千問QwQ-32B，在數學、代碼及通用能力上整體性能比肩DeepSeek-R1，並降低了部署使用成本，在消費級顯卡上也能實現本地部署。加上中國團隊Monica.im 研發的全球首款 AI Agent 產品「Manus」，在GAIA基準測試中取得SOTA(State-of-the-Art)的成績，顯示其性能超越OpenAI的同層次大模型。

而星期四終於有一個比較全面性嘅升市，下晝有消息話中國據悉正考慮取消一項地方政府收購數百萬套存量商品房的價格上限，令到連內房股同內險都抽埋上去。其實內卷內險內房同埋A股都有機去最落後，不過要小心水尾。

今個星期開始陸續見到啲美國長錢陸續入場，有大手買入騰訊(700)攜程(9961)甚至係美圖(1357)。加上而家美股表現麻麻，令到啲資金係區內嘅其他市場，例如日本印度流返入中港市場。

Watchlist Review

成個禮拜嚟講表現仲係幾好。雖然中途有啲chok走咗，但係最尾都係有錢賺 (+1.8 R)

前幾日調整嗰時trigger左1415 + 175嘅stop 。1415已經將stop調整到entry level所以平手離場

 175就輸 1R

9863 OK冇避震走，星期四大升就到了我嘅目標 (+2R)。呢隻因為係汽車板塊嘅落後股，所以我唔留返我嚟放紙鷂。如果放嘅話我情願揸住啲Market Leader。

6618 buy on dip的嘅入場價好好，同埋市場調整時佢price action反應唔錯。我會想hold longer但係因為業績同埋自己受到市場氣氛影響所以就已經放咗。操作得不好

 Flying Kite

幾隻放緊紙鷂嘅股票triggered stop profit。雖然比起最高位賺少咗，但係比起sell into strength嘅level還是賺多。同埋記得根本冇可能喺最高位賣

Watchlist

 285 嘅set up violate咗。暫時唔使睇。

 2382之前留意緊嘅set up其實都violate咗。但係因為佢只係跌穿少少同埋跟住就即時反彈。依個Shake out我覺得可以接受，所以我會繼續留意呢個set up。

268 好可惜星期四一開始已經升咗5%跟住就冇停過。而家唔值得追係都要等佢拉回先。

6881 。A股暫時冇港股升咁多，因為佢哋冇最大嗰啲科技股(例如騰訊，小米，阿里巴巴)。今次市場升健康過上年10月。啲資金有旋轉去第二啲板塊。當多啲傳統行業都升嘅話咁大陸CSI 300指數突破內地證券股票有機會catch up

6110。 刺激內地消費梗係要留意番啲內地品牌。除咗飲食之外運動衣着股票有啲似由stage 1 就嚟入stage 2

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。