阿豬搵錢日記

港股 Watchlist - Mar 13, 2025

Added 2025-03-13 14:15:16 +0000 UTC

大市由上個禮拜五開始連跌五日，由24700，碌落去星期四低位23200，最多回咗接近6%，最近幾個星期恆指test 20天線 support三次。短期嚟講動力減弱。

中期嚟講，雖然港股最近轉左弱勢，不過弱得嚟低位又有啲承接，之前美股弱勢，但係都唔係好影響到港股。所以總體都唔算太差。同埋拉返timeframe長啲睇，恆指今年升咗咁多(Year-t-date +17%，globally其中一個表現最好嘅指數)。而家去返上年九月嘅高位。Consolidate返一段時間都非常之正常。

呢幾日嘅市似乎係啲宏觀對沖基金grossdown，或者簡單啲講就係食糊。上個禮拜未開始就喺美股市場或者歐洲呢啲developed market 開始 grossdown，而今個星期就輪到啲新興市場，星期四睇返日本/韓國/台灣呢幾個市，指數都係開市45度咁沽到去收市。不過港股都算係咁，隊到落後半段，開始有買盤出嚟，收復部份失地。

北水呢期繼續掃貨，星期一北水淨流入仲要創歷史新高接近300億（前紀錄係2021年1月19雖嘅266億，當時恆指仲係30,000點），而北水主力都係買巴巴(9988)。

呢期主要焦點，有少少從Deepseek嘅主題散落去其他板塊。而家主要都係一啲新興零售股，例如蜜雪(2079)，老鋪(6181)，中國Lego 布魯可(325)，古茗(1364)，毛戈平(1318) 主要都係新上市冇幾耐，炒貨源歸邊，冇蟹貨。

仲有就係，根據韓國預託結算院（KSD）數據，從2月中旬開始（2.17-3.7）韓國散戶大舉衝入去中港市場，韓國投資者2月對中國A股和港股的交易量環比勁增接近200%，增幅也是自2022年8月以来的最高水平。

Watchlist Review

1157 星期四發生咗個比較大啲嘅pull back。Engulfed星期三只candlestick ，唔係太好嘅走勢。如果本身交易組合冇乜P&L (profit cushion)嘅話，我會考慮保守啲提早離場，但係so far今年利潤唔錯，有quota輸番啲出去，所以我繼續抓住搏一搏

6881 + 6110 突破咗

6936 喺Discord分享。做完IPO之後升咗一陣。而家形成Flag set up交易機會。

Watchlist

1024 比起第二啲科技股最近呢兩日嘅調整唔算太深。而家跌返落上年九月嘅高位support。我會考慮趁佢弱嗰時買啲強勢股，然後如果佢收市價低過20天線就止蝕

Copper 價破頂。358有機會catch up雖然佢唔係stage two。但係由12月至而家咗個consolidation。如果升得破依期嘅高位嘅話，可以做個短炒嘅機會。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。