阿豬搵錢日記

港股 - March 20, 2025

Added 2025-03-20 14:44:11 +0000 UTC

騰訊(700)業績係預期之中，但係今年800億嘅回購，就似乎令到市場有些少失望，加上市場喺業績之前都priced in一份幾靚嘅業績，所以結果sell on news。而小米(1810)市場已經炒到去2027年條數，所以嚟緊都要些少時間去消化。相反一啲雲計算嘅股票業績就好壞，金碟(268)萬國(9698)都唔係好交到條數。而其他大部份嘅業績都係見光死，尤其是係呢兩個月升幅比較犀利嗰啲例如理想(2015)，小鵬(9868)，安踏(2020)，聯通(762)。

去到三月下旬，大部份嘅科技股業績已經出晒，得返美團(3690)係聽日出業績，剩低月底嘅都係啲國企股嘅業績。兩會就月頭開完，啲政策短期要出都應該出得7788，所以嚟緊短期嚟講就冇乜特別嘅催化劑，大家真係要睇吓通縮同埋基本面有冇改善。

仲有就係AH溢價指數跌到去接近五年嘅新低，原本都有些少寄望係A股會發力追落後，可惜又係事與願違。既然A股唔肯升，咁港股跌返落嚟嘅你係機率又多咗。

AH Premium Index (2021-present)

加上之前由幾隻AI相關嘅股票開始到成個科技板塊一齊升，之後就到其他舊經濟，例如內房內險甚至消費股都升埋一份，睇嚟現時炒到水尾。

Watchlist Review

1157 + 358 正如喺Discord同埋上星期嘅美股update解釋，提早咗離場

6881, 6110, 6936 冇咩太特別，跟返計劃

2328 如果有交易嘅話，係時候將stop level調高，保護利潤

Watchlist

2382 + 1024 兩隻未有交嘅機會但係就嚟出業績。所以暫時將佢哋從watchlist拎走

1347 新加入Watch list。上年9月升完之後10月correction，跟住又10月至二月都consolidate forming a rounding bottom。 2月就再突破，而家形成flag。準備緊第二個base。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示