阿豬搵錢日記

港股 - Mar 27, 2025

Added 2025-03-27 17:25:21 +0000 UTC

個市連插幾日，再加上小米嘅425億批股就借勢沽深啲，不過連續三日守住喺23,300上面，而冇跌穿3月中嘅23,198 底位，暫時仲係higher lows 嘅格局。大市暫時仲係23,300-23,800 呢啲位炒下上落市。再加上最近美股反彈，自然就令到今年表現最靚仔嘅港股就捱沽。不過當講到關稅，全世界都跌，反而中港股市硬淨好多。

美國4月2號就會公布關稅詳情，市場都充斥着唔同嘅消息，而特朗普嘅態度就時軟時硬，只不過似乎佢嘅目標都係搵盟友開刀先，反而又唔係好想好大力咁打中國住，仲話會願意降低對中國的關稅，從而可以同TikTok達成協議。

不過睇落去，市場開始產生關稅疲勞，開始對呢關稅新聞已經感到攰，尤其是中港市場，基本上都冇乜太大反應。會唔會到4月2號正式公布嘅時候就會夾返上去？

業績期基本上出晒，係啲新零售股比較標青。而今個星期亦都有三間大行祝福港股，摩根士丹利，高盛，摩根大通都一齊睇好中港巿場。MS就覺得港股今個季度嘅盈利係過去三年半以來第一次比預期好嘅，覺得經濟復甦開始萌芽，加上中國對美國嘅關稅準備得比其他國家好（如果特朗普嘅全球關稅戰越打越勁，反而中國係一個穩陣好多嘅市場）所以佢哋覺得中國股票應該獲得同新興市場指數一樣嘅估值，而家MSCI China 大概係11.6x PE 對比新興市場指數嘅12.5x 仲有水位。高盛就睇仲有好多機構係低配中港巿場。不過似乎三間大行都係覺得港股比A股好。

用周線圖嚟睇恆指，一個Key Level係22500。只要跌唔穿嘅話都未可以話uptrend完

中國 CSI 300 - 仍然等緊佢突破同做一個強啲嘅郁動

Watchlist Review

6936 triggered stop loss (-1 R)

6110 暫時仲OK

6881 根據Bloomberg公司將會喺3月28號出業績。喺冇profit嘅情況下出業績之前應該離場 Watchlist

1347 violate左個set up。Remove from watch list

9863 form緊 high tight flag。睇吓有冇機會玩第二轉。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。