港股 April 10, 2025

星期一恆指跌3,000點成交6,300億，吾少股票一日跌咗差唔多過去3個月嘅升幅。星期三就因為中國報復美國而低開800 點，之後低位真係有買盤最後倒升。到星期四就因為Trump 暫緩關稅，恆指最多反彈升近1,000點，指數開始補返些少星期一個裂口，不過100 天線 21,179同50% 黃金比例 21,400 都會係大阻力。

雖然星期一晚上開始，國家隊開始托市，但係大家都知道國家隊入市都係冇乜好結果。星期二國家隊主動係盤中宣佈出手買貨同埋匯金自己盤後發佈公告，已再次增持了ETF，未來將繼續增持。這兩個形式，都是有史以來首次。之後又有中國國新同中國誠通同時宣佈增持中央企業股票、科技創新類股票及ETF。加上幾十間國企同民企都一齊響應，令到星期二A股收返好啲，不過呢啲政策主要都係相對地短期同埋對A股有利。

原本中國應對美國嘅關稅政策，其實都唔錯，逼到Trump落唔到台，但係星期三晚呢一下暫停關稅90日，將成個局勢扭轉過嚟。而家其他國家就輪住同美國握手，變相孤立咗中國，真係俾佢過咗一戙。今次中國係準備打一鋪持久戰，睇吓邊個瞓低先。 而家中美所謂嘅關稅，一個125%，另一邊就104%，其實都冇乜意義，因為4月美國對中國嘅關稅加到54% 之後，已經令中國出口收皮。

嚟緊星期五會有個關於房地產嘅會議，睇吓佢哋有乜嘢講。另外總理指已充分估計外部衝擊　做好各種應對準備。仲有就係決策層係周四召開重要會議，以應對美國對華貿易戰的升級，應該會加出台政策去刺激消費，所以嚟緊應該又會講內循環大循環。原本都諗住人民幣會貶值，但係關稅加到125%之後，貶得嚟都冇意思。其他例如降息降準，甚至去推前一啲政策去谷經濟，但係都係對沖大跌嘅嘅方式，唔好期望太高。

恆指睇落去就難啲補返足個裂口，21,000都有啲難企穩。加上最近空軍都幾猖狂下，沽空比率每日都接近20%成交。唯一嘅契機就係中美幾時會坐低傾，但係短期亦都唔似會發生，所以都係邊個頂唔住先。原本美國債市早兩日都有危危地，有傳中國都喺度沽美債加多腳，夾高啲債息，引爆basis trade + 做美國。可能亦都係因為咁樣，特朗普團隊見到債市同股市都開始有跡象要再冧，先返口暫緩90日。

如果美股再插港股都唔會好得去邊。或者只有啲內循環嘅消費板塊或者本土概念嘅會做好做返好少少。

Watchlist Review

6110 星期一個市咁樣 gap down，令到交易股票虧損大過原本嘅 limit

9863 依隻都係，原本已經將stop level推高咗，但係一開市已經跳落嚟。冇辦法喺理想嘅位置止蝕

當嗰市場穩定返少少，內循環板塊例如 2319 就即時反彈同retest阻力。

Watchlist

暫時不確定因素極高。喺樂觀方面如果中美傾得掂數，恆指可以即時升幾至十幾percent。但係傾唔掂數，美國繼續撳住中國同時和第二啲國家reach到新貿易協議嘅話。咁中國就會俾人isolate。喺依個uncertainty咁高， outomce咁極端嘅情況，我會減少做 swing trade，而多啲注意短炒嘅機會。我見到咩再喺Discord分享。

免責聲明: 所有內容僅為本頻道對其本身行為的描述，只作知識及學術分享討論，絕不含有及不應被理解作含有任何投資建議或邀約或對任何其他人士的投資建議或邀約或提供任何服務。本頻道的內容概不構成任何投資意見或購買任何證券、期貨、虛擬資產及或任何金融產品的推薦意見。本頻道的內容亦並非就任何個別投資者的特定投資目標、財務狀況及個別需要而編製。因此，投資者不應只按任何本頻道的內容或本頻道作者所提供的任何資料（包括以其他途徑提供的與頻道相關的回覆或評論）進行投資。本頻道建議任何投資者在作出任何投資決定前尋求獨立的財務及專業意見，而本頻道並不會提供有關意見。本頻道所載資料僅供參考之用，概不保證頻道內全部或其任何部分的資料在各方面均絕對正確或展示事實的全部。投資者有責任自行翻查所有資訊及數據的完整性及準確性。如有疑問，閣下應自行查核頻道所載的任何資料。 本評論上的資料，如有任何變更，恕不另行通知。對於因使用或依據本頻道內所載的資料而引起的任何損失或損害，本頻道恕不負責。投資者應當注意投資附帶風險及過往表現不能保證將來業績，過往表現不能作為日後表現之指示。