細所上幣趣聞
Added 2025-05-05 00:00:02 +0000 UTC3月嘅時候有位讀者想知多啲關於細幣上交易所。呢度分享一下細幣上非頭部交易所。呢度講嘅中細交易所係指國人背景嘅二線交易平台，呢度就唔開名。一線交易所例如Binance, OKX, Bybit, Coinbase, Upbit呢種有機會之後再討論。
二線交易所其實宜家定位好得意，第一個情況係如果係大型項目或者天皇級項目TGE，佢哋基本上會爭住上，而且大型項目都一定會搵名牌造市商，如果大項目唔理二線交易所流動性嘅話，之後基本上間間佢哋都有internal造市商幫手；第二個情況係非大型項目比錢二線交易所上幣，比錢嘅形式同部份一線交易所就大同小異，放U加放幣，交易所之後可能用嚟做launchpad比用戶或者自己都留inventory比internal造市商，至於之後係咪主要做流動性就見人見智。
呢度比多少少color，通常二線交易所上幣就大概50k U+，幣嘅數量就項目方同交易所傾。不過實際數字就真係可以每個項目唔一樣。
呢次分享嘅係中小型項目，呢度指below 100M FDV，大過20M FDV 嘅項目，呢個FDV係項目自己搵方法定，可以係fund raise/launchpad自己anchor一粒數，之後再同交易所傾，咁項目方以為交易所默認佢哋anchor果粒數。去到臨上幣果刻，但係之後交易所就同項目方講我地從來無承認某一個市值，個矛盾就變咗係項目方同investor可能講X呢個數，但結果假如最後一上幣係呢粒數以下就好難解釋。最神奇嘅係呢啲中細型項目請嘅Market Maker事完按項目方anchor粒數擺order等listing之前，就發生咗有其他order放低過anchor個價，呢啲應該係交易所內部自己放嘅賣盤。
Why
1. 交易所
其實交易所本身都有睇項目方anchor嘅嗰粒數，因為始終都唔可以亂咁嚟，起碼會知個launch price。
咁點解上面講嘅嘢會發生最主要係因為而家市場太差，上幣即高位，呢樣嘢唔只係喺一線交易所發生，同樣都係佢哋發生。所以佢哋係有動機係好平嘅價錢交易一下好細嘅金額，咁樣幅圖會靚好多，好似喺交易所參與上幣/launchpad有造富效果，對其他項目方好似吸引好多。簡單啲嚟講就係畫面夠靚。
2. 項目方
其實扣完上交易所要比嘅費用，搵Market Maker，又派幣出街再加上自己有一段時間要lock token，呢個市現時況其實好大機會會唔賺錢。
項目方可能因為要同investor交吓功課，所以先要上幣做KPI。
其實呢個cycle無論係做項目方又或者二線交易所上幣嘅業務都越嚟越難，冇咗以前一上幣買之後以盈利賣出。呢度最後呼籲一下，假如有讀者喺項目方需要Market Making Service嘅話都可以PM我。
