emiliawyk

居家🤎 這XX竟然要$33,500？？？

Added 2022-05-26 13:36:02 +0000 UTC

連續兩日都分享自己買貴嘢，搞到好似好富貴咁☠️ 其實真係唔係，就係好少、未試過擁有啲高質/luxury嘅嘢，所以先一用都覺得好大件事，值得分享😹 啲真係買開貴嘢嘅人（未必等於有錢），先唔會少少事就分享🥹😭

唔知大家知唔知呢度嘅背景？喺我屋企嚟的。之前從來冇影過呢個背景，係因為我最近重新裝修過。最大嘅改變係將牆身顏色，由紅換成淺麥色，然後再換咗梳化、琴套，重新擺位。(最底有對比圖）

標題所講嘅$33500，就係講我新嘅梳化😵‍💫🤧 2月時訂嘅，要從日本送貨，5月頭先送到，所以之前都未有機會同佢影吓相。

點解梳化要咁貴？點解我都買？話說之前嘅客廳，我真係覺得好醜樣😂 本身嗰隻紅色，並唔係我原本想要嘅紅色（電腦同埋實際油漆有嚴重色差），我都忍咗年幾。之後本身個梳化我係喺百貨公司買嘅，只係$2000左右，都唔可以話醜樣嘅，但真係唔算好靚，而且沒有任何功能性。

個梳化只係喺我屋企存活左三日，已經比啲貓抓爛😅 啲皮甩晒出嚟😅 過多一陣，就已經溶溶爛爛，又有貓尿味，被抓爛嘅位爆曬線同棉花，完全坐唔到人，但係我又一路冇心力去搞，所以我阿媽（唔係同我住）就搵人車左啲布冚住個梳化，琴套都係佢搵人車，講真完全冇話夾過顏色或者美感，其實都真係幾核突🤢🤮🤢🤮🤢 一見到個廳咁樣嘅款就好唔想stay喺度，所以我通常都係喺房影相😹

至於點解會搵到呢隻梳化？話說佢係寵物梳化、防抓嘅。有次我去一個親戚嘅屋企，佢都有養寵物，咁我見佢個梳化好舒服然後又唔會有味，又冇爛，我就向佢請教。結果就介紹咗呢間公司俾我，不過佢都事先聲明價錢並唔平，不過款式真係有品味，同埋真係防刮、防水，佢都用咗五六年都仲係好新淨。我呢個親戚本身係有錢嘅，住清水灣嗰啲豪宅，佢屋企大，嗰set梳化係要10幾萬😰

其實去佢屋企都係舊年11月嘅事。佢介紹完之後我有上嗰間家具公司嘅網睇，覺得都真係幾靚，而且我養咁多隻貓，如果真係防刮防抓防水防異味，都真係好有需要好吸引。不過真係貴，於是都淨係睇。

去到大概二月尾，我真係頂唔順啦，首先覺得間屋真係太醜樣，另外，個梳化都真係唔坐得，我覺得咁樣冇意思，有間屋喺度，但係望到都覺得難受，又臭，又唔想stay喺度，咁咪反而浪費咗？？？

於是就的起心肝去咗門市睇，然後就決定落訂啦。Fast forward到今天，個梳化用咗三個禮拜，真係達到我嘅期望，又靚，又真係防抓，好犀利！佢嗰隻物料係類似防火防刀放野獸咬嗰種厚皮手套，但係坐落去係舒服嘅！最重要係隨着梳化同埋個牆嘅改變，我都重新執過位去配合，而家成個廳靚晒，感覺有返個屋企😆🤎 我終於都可以享用下個客廳😆🤎 所以無論係尋日個袋，定係呢個梳化（兩者都係三萬幾蚊），我都覺得雖然數目係大，但都係非常之值得嘅花費🥹😭

睇嚟日後我要慢慢學，與其買好多低質素嘅平嘢，不如減少買嘢，然後一買就買高質嘅😭 講真，如果我一開始就係買貴嗰個梳化，咁我已經慳咗$2000（舊嗰個梳化真係幾日就Game Over，最後都係要丟棄☠️☠️😭😭）、可以過多一年幾舒適嘅生活😵‍💫😵‍💫 不過呢一種觸覺同埋品味係需要學習、交學費，人生真係好多嘢需要學😭